CARACAS, AP.- E aktivista Lilian Tintori a haña òrdu djasabra di no Sali for di Venezuela, loke a stroba su plan di reuní ku gobernantenan europeo i un estorbo di intentonan di oposishon pa generá preshon internashonal riba presidente Nicolas Maduro.
Tintori a publiká un potrèt riba Twitter kaminda e ta na aeropuerto internashonal di Caracas miéntras e ta tene un dokumento di outoridat migratorio ku ta ordená pa konfiská su pasport, promé ku e subi un buelo atardi pa asistí un reunion na Paris djaluna ku presidente franses Emmanuel Macron.
E no a haña ningun splikashon, pero el a wòrdu ordená pa paresé dilanti un hues djamars pa e rospondé preguntanan riba un suma importante di plaka kèsh haña den su vehíkulo.
Tintori, kasa di e aktivista detené Leopoldo Lopez, a bisa den reunion ku e lo a reuní ku gobernantenan di Alemania Spaña i Gran Bretaña.
E aktivista a wòrdu informá djabièrnè ku e ta wòrdu investigá despues ku outoridat a haña alrededor di 60.000 dòler den su outo di parker dilanti kas di su suegra.
Kantidatnan grandi asina di plaka no ta normal na Venezuela. Mayoria persona tin problema pa haña e mínimo di plaka mensual kèsh for di banko. Pa e motibu aki mayoria persona ta preferá pago ku tarheta.
