LONDON.- Tres siman pasá un guera na Europa tabata parse kasi imposibel. Pero awor por bisa ku ta eksistí un shòk mundial pa motibu dje desishon di Presidente di Rusia Vladimir Putin pa ataká Ukrania di un manera sin a ser provoká. Ta den e tempunan aki ta momentu ku nos ta wak den direkshon di nos propio lidernan pa ekspresá kon nos ta sinti. Reina Elizabeth ta ketu na Windsor Castle miéntras e ta rekuperando di covid. Pero e tabata sufisientemente bon di salú pa e hasi trabounan di papeleo i risibí oudiensianan virtual.
El a duna di konosé ku e tabata asina impreshoná dor di e evento aki ku den forma privá el a hasi un donashon generoso pa kousanan humanitario. Pero otro miembronan di e famia a sali dilanti den su ousensia. Asina Duke i Duchess di Cambridge a bisa den un Tweet den fin di siman ku nan ta sostené presidente di Ukrania i su hendenan ku ta bringando e guera.
