UKRANIA.- Mas ku 1.5 mion refugiado for di Ukrania a krusa frontera i drenta paisnan den bisindario den e último 10 dianan, esei di akuerdo ku informashonnan for di e komishonado di agensia pa refugiado di Nashonnan Uní, Flippo Grandi. Den un mensahe di Twitter, Grandi a duna di konosé ku esaki ta e situashon di refugiado ku a krese mas rápido den e krísis Europeo for di tempu di 2do Guera Mundial.
Entretantu, e Minister di Asuntunan Interior di Alemania a duna di konosé ku kasi 38.000 hende a yega su pais for di Ukrania for di dia dje invashon Ruso dia 24 di febrüari 2022. Polis federal Aleman a registrá 37.786 refugiado for di nashon aki ku a ku a ser di tòrnu fo’i otro dor di e guera.
Teniendo kuenta ku no tin chekeo na frontera entre Polonia i Alemania, e kantidat di hende ku realmente ta drenta lo por ta signifikantemente mas haltu ainda. E mandatario a duna di konosé ku nan ke salba bida di hende, i esei ta algu ku no por dependé di nan pasaporte.
