YAKARTA, INDONESIA, AP.- Un helikòpter ku tabata transportando ocho persona a kai djadumingu na momentu ku esaki tabata rumbo pa yuda ku evakuashonnan serka di e volkan ku a hasi erupshon na Java. Outoridatnan a informá ku no sa kiko a pasa ku okupantenan di e helikòpter, pero algun testigu a bisa ku nan a haña dos kadaver na e sitio di e aksidente.
E helikòpter di Agensia Nashonal di Búskeda i Reskate tabatin kuater tripulante i dos reskatista na momentu ku el a kai serka di pueblo di Candiroto den provinsia sentral di e isla, Temanggung.
Sòldatnan i polis a wòrdu mandá pa e zona, miéntras residentenan i bishitantenan a pidi evakuashon di e área si akaso tin mas erupshon.
