SIUDAT DI MEXICO, AP.- Un helikòpter militar a kai djamars na momentu ku e tabata hibando yudansa na un parti afektá pa e temblor siman pasa na México. Asina funshonarionan di Protekshon Sivil a informá.
E gobernador di estado di Chiapas, un di e zonanan mas afektá pa e temblor, a publika riba su kuenta di Twitter ku e helikòpter Mi-7, di fabrikashon ruso, tabata rumbo pa Jaltenango na momentu ku el a kai. E gobernador, Manuel Velasco, no a duna detaye riba e heridonan aki.
Sin embargo, Protekshon Sivil ta kontra e kanal di televishon Milenio ku shete miembro di ehérsito i un di protekshon sivil tabata biahando den e helikòpter a hasi kontakto ku algun ekipo di reskate i a informá ku tin algun hende heridá.
Jaltenango ta un di e áreanan mas asotá pa e temblor di magnitut 81, ku te ainda a kobra bida di por lo ménos 93 persona den estado di Chiapas, i den Oaxaca.
Velasco a publiká un potrèt di e helikòpter un tiki destrosá despues ku e mester a hasi un aterisahe forsoso.
