NEW YORK, AP.- Un hòmber armá ku a purba drenta un área privá di Trump Tower na New York miéntras Donald Trump tabata riba kaminda pa e edifisio a keda detené, segun Servisio Sekreto.
Sinembargo, outoridatnan ta bisa ku e hòmber tabata un agente retirá ku tabata karga arma legalmente i ku no tabata un menasa pa e kandidato republikano pa presidensia. Outoridatnan federal no a publiká su identidat.
E hòmber mester paresé djárason den korte, kaminda e mester rospondé na kargo pa oponé resistensia pa outoridatnan federal.
Servisio sekreto ta bisa ku e hòmber a desafiá òrdunan di agentenan i a purba kana via un área privá den un parti pafó di e edifisio di Trump djamars anochi. E agensia agregá ku e hòmber tabata karga un pistol pero tabatin pèrmit i no a manifestá malisia pa ningun persona protehá pa Servisio sekreto.
Trump a yega despues sin problema.
