NEW YORK, AP.- Kada biaha ku e narkotrafikante mehikano konosí, Joaquin “El Chapo” Guzman, paresé den tribunal di Merka, outoridat ku ta traslad’é desde i rumbo pa prizòn ta blòkiá e brùg Brooklyn pa habri paso pa un karavana di vehíkulo ku ta inkluí un ekipo SWAT i un ambulans, vigilá desde aire pa helikòpternan.
E medidanan di seguridat intento a kombertí den un espektákulo públiko kaminda e abogadonan di Guzman ta argumentá ku esaki ta afektá su posibilidatnan di un huisio hustu e aña aki na Brooklyn. Outoridat a indiká ku e solushon ta pa trasladá e kaso pa un korte na Manhattan ku ta konektá ku e prizòn kaminda e ta detené solitario.
E operashon aktual ta krea e impreshon ku “e hòmber ta kulpabel, i e hòmber ta peligroso”, asina abogado William Purpura a indiká djamars despues di un oudiensia den e huisio.
Durante e oudiensia, e hues Brian Cogan a bisa ku ainda ta analisando e kambio di lokalidat, algu ku fiskalnan ta afirmá komo no nesesario.
Algun deklarashon di testigu “ta indiká spesífikamente ku señor Guzman no tabata un lider, di e kartel di Sinaloa i ningun otro organisashon di narkotráfiko”, asina un dokumento di defensa a bisa.
Guzman a deklará inosente di akusashonnan ku su kartel di Sinaloa a laba míles di miónes di dòler i a ehekutá vários asesinato i sekuestro. Si e wòrdu hañá kulpabel durante e huisio, kual ta start den sèptèmber i kual ta dura vários siman, e por wòrdu sentensiá na bida largu den prizòn.
