LOS ANGELES, MERKA, AFP.- Djaluna e huisio kontra e eks produktor di sine di Hollywood, Harvey Weinstein, a kuminsá kaminda sinku víktima lo deklará dilanti di un selekshon di hurado.
Weinstein ta kumpliendo ku un kondena di 23 aña di prizòn na New York, despues ku el a keda kondená pa un serie di agreshon seksual.
E produktor di 70 aña ta enfrentá diesun akusashon mas, inkluyendo violashon i sèks oral fòrsá kontra muhénan den hotèlnan di Beverly Hills i Los Angeles entre 2004 i 2013. E kaso lo dura dos luna.
Si Weinstein, kende a deklará inosente, keda kondena pa tur akusashon, e lo haña 140 aña adishonal tras di trali. Weinstein ta para riba ku tur enkuentro no tabata fòrsá.
E akusashonnan di intimidashon i abusu seksual a sali na kla den òktober na aña 2017. Su kondena na New York den 2020 tabata un logro importante pa e movementu #MeToo.
Un total di kasi 90 hende muhé, inkluyendo Angelina Jolie, Gyneth Paltrow i Salma Hayek a akusá Weinstein ku agreshon òf intimidashon.
