LUCKNOW, INDIA, AP.- Un barku kargá ku trahadónan di konstrukshon a senk den oranan trempan di djaweps den Riu Yamura, na nort di India, kousando por lo ménos 19 morto, segun indikashon di funshonarionan.
Ainda outoridat mester sigui buska e pasaheronan pèrdí, segun polis Ram Kumar a splika.
Mas di 60 persona tabata riba e barku na momentu di e insidente, registrá serka di lokalidat di Baghpat, den estado di Uttar Pradesh. Tin 31 pasahero pèrdí i por lo ménos 10 persona mas a yega kantu safe dor di landa. 19 kadaver a wòrdu reskatá den e riu, segun Kumar.
Outoridat ta investigando e insidente, ounke nan ta kere ku e ekseso di persona por a kousa e tragedia. E barku tin kapasidat pa 35 persona, segun hues di distrito Bhawani Singh.
E víktimanan tabata krusa e riu aki tur dia pa bai trabou na Baghpat, asina Singh a agregá.
E tipo di insidentenan aki ta normal na India ya ku mayoria di e barkunan ta mal konstruí i normalmente ta superá e kantidat di persona na bordo permití, ademas di e skarsedat di rèspèt na e normanan di seguridat.
