PALU, INDONESIA, AP.- E agensia di mitigashon di desaster di Indonesia a bisa djárason ku solamente mester di tènt, unidatnan di tratamentu di awa, generator i transporte di otro paisnan, den esakinan su yudansa na e temblor i tsunami ku a laga mas di 2.000 morto riba isla di Celebes.
E sifra ofisial di e víktimanan mortal di e dòbel tragedia di 28 di sèptèmber, a oumentá na 2.045 persona. Asina e bosero di e agensia, Sutopo Purwo Nugroho a indiká, agregando ku mayoria a wòrdu registrá den e siudat na kosta di Palu.
Ta posibel ku 5.000 persona ta derá den zonanan afektá, kaminda e forsa di e temblor a sker kaminda i destruí kasnan.
Nugroho a reiterá ku e operashon pa haña kadaver lo terminá djaweps ku orashonnan masivo den e bisindarionan mas afektá. Pero voluntario i famianan por kontinuá ku e buskadónan aki.
Despues di un yamada “straño” pa purba haña yudansa internashonal, Indonesia ta purbando di limitá e implikashon estranhero den labornan di reskate despues di e desaster. Segun Nugroho no tin nesesidat pa haña yudansa internashonal, ku eksepshon di e kuater prioridatnan identifiká pa e pais.
