ATENAS, GRESIA, AP.- Bisiñanan di e periferia oksidental di e kapital griego a purba di limpia e área destrosá pa inundashonnan ku a asotá barionan un dia promé, miéntras ku e total di morto a yega na 16.
Bomberonan a haña restunan di e víktima mortal mas resien di sotano inundá den un kas den distrito di Nea Peramos, na wèst di Atenas.
Djaweps, kuater òf mas persona pèrdí tabata wòrdu buská desde ku e inundashonnan a kombertí kayanan den koriente di lodo i ruina.
E desaster tabata un di esnan mas pió ku a asotá e kapital den vários dékada, i e gobièrnu a deklará un dia nashonal di luto.
E zona mas afektá tabata Mandra, un distrito di klase trahadó modesto den parti oksidental di Atenas, kaminda a registrá kasi tur morto. Outoridat a bisa ku 500 kas i negoshi a resultá dañá.
E inundashonnan di djárason, ku a pasa despues di un tormenta fuerte ku a kai durante anochi, a kombertí kayanan den koriente di lodo i ruina ku a lastra vehíkulonan, basha murayanan abou i senk botonan i inundá un parti di e outopista importante.
Diesdos di e 23 heridonan ainda tabata hospitalisá, inkluyendo un muhé di 82 aña ku tabata den kondishon grave, segun Sentro Nashonal di Operashon di Salú.