TULSA, OKLAHOMA, MERKA, AP.- Outoridat a pidi algun residente di Tulsa pa prepará pa dirigí pa zonanan mas haltu debí ku algun dam tabata kompletamente yen i por a spera mas áwaseru den e region afektá pa e inundashonnan.
E riu tabata 1,20 meter riba e nivel di inundashon i a kousa problema ku awa den vários zona di e di dos siudat mas grandi di Oklahoma, inkluyendo sùit di Tulsa.
Funshonarionan di e siudat a informá djasabra den e konferensia di prensa ku esnan ku ta biba na wèst di e sentro di siudat mester prepará pa bandoná nan kas i desplasá pa un zona haltu. Si un evakuashon ta nesesario, esaki mester sosodé rápidamente.
Por lo ménos nuebe morto a wòrdu atribuí na e ola resien di mal tempu i inundashonnan den e region.
