CHENGANNUR, AP.- Mas o ménos 800.000 persona mester a bandoná nan kasnan i mas di 350 a fayesé den e inundashon mas grave registrá den un siglo, den estado di Kerala, na sùit di India. Outoridat tabata hasiendo nan máksimo esfuerso pa suministrá awa limpi na e zonanan mas afektá, segun indikashon di funshonarionan djadumingu.
Por lo ménos dos trein ku mas o ménos 1,5 liter di awa a dirigí pa zonanan isolá, segun splikashon di Milind Deouskar, funshonario di e empresa di riel, den deklarashonnan públiko pa e agensia di notisia Press Trust òf India.
Míles di unidatnan di reskate a sigui traha pa yega na personanan afektá i hiba yudansa na zonanan isolá den sentenar di botonan i mas di binti helikòpter. E kondishonnan di klima a mehorá konsiderablemente i kasi 10.000 persona por wòrdu reskatá pa promé ku djaluna, asina el a agregá.
Segun kalkulashonnan, mas o ménos 800.000 persona ta refugiá den 4.000 kampamentu instalá temporalmente den Kerala kompleto.
E previshon meteorológiko ta kontemplá mas áwaseru den e estado kompleto awe mainta.
Awaseru ku a kuminsá dia 8 di ougùstùs a wòrdu derivá pa inundashon i deslavenan ku a provoká ku kas i brùgnan den Kerala kompleto a kolèps.
