WASHINGTON, AFP.- Ost di Merka ta severamente afektá pa inundashonnan spesialmente den áreanan di kosta, banda di e kapital di Washington i Baltimore.
E region ta sufri loke por yama un di e inundashonnan di mas grandi den 10 pa 20 aña, asina servisio meteorológiko di Merka a indiká, agregando ku den algun lugá e dañonan por ta asta mas severo despues di orkan Isabel den 2003.
Ta spera mas inundashon kousá pa áwaseru na kosta for di Virginia te ku sentro di New Jersey. Na Annapolis un pueblo na kosta di Maryland ku ta keda na 50 kilometer di Washington. Awa den kayanan tabata yegando te na rudia. Un habitante a opta pa sali for di su kas den kayak.
Algun tienda a pone sakunan di santu pa evitá ku awa ta drenta den nan negoshi.
