MILAN, AP.- Un laman inusualmente haltu a inundá Venezia djaluna. Esaki a laga tres kuart parti di e siudat italiano bou di awa. E sobrá ekstenshonnan di Italia tambe a sufri inundashonnan i bientunan fuerte a tumba vários palu abou. Kuater persona a muri.
Turista i bisiñanan mester a bisti buts pa asina kana riba kaya, na momentu ku bientu fuerte a oumentá e nivel di awa ku 156 centimeter riba nivel di laman. Outoridat di transporte a kanselá e sistema di bùs akuátiko, kual a salba e islanan mas leu di kosta.
Normalmente Venezia ta inundá si tin bientu fuerte.
Habitante i negoshinan ta reforsá nan portanan ku pènel di palu òf metal pa impedí ku e plantanan abou ta inundá. Pero imágennan di e situashon na Venezia a mustra vários persona ta pòmp awa pa asina purba salba nan merkansianan inundá.
Gran parti di Italia ta bou di alerta di inundashon provoká pa áwaseru fuerte. E problema a bira mas grave debí na e falta di mantenshon di riunan.
E gobernador di e region di Veneto, Luca Zaia, a bisa ku e inundashonnan por logra nivelnan di aña 1966, kual a inundá Venezia i Florensia.
