TEHERAN, IRAN (AFP).- Iran ayera a atvertí Israel pa esaki no reakshoná militarmente riba e atake iraní di djasabra anochi, ku pa Iran ta un reakshon hustu pa e bombardeo ku a destruí su konsulado na Damasko.
“Por konsiderá e kaso komo será”, segun e representante iraní a bisa dilanti di ONU den un mensahe publiká tres ora despues dje promé atake dirèkt di Iran kontra di Israel.
E presidente iraní, Ebrahim Raisi, a atvertí ku kualke akshon “imprudente” di Israel i su aliadonan lo kondusí na “un reakshon mas fuerte” dje Repúblika Islamita.
E guardiannan di revolushon a tira mas di 200 drones i misil kontra di ophetivonan militar den teritorio israelí.
E hefe di forsanan armá iraní, e general Mohammad Bagheri, a selebrá ku e atake a alkansá “tur e metanan” i a laga for di servisio un sentro di inteligensia i un base aéreo.
E bosero di ehérsito israelí a indiká ku e misilnan iraní a alkansá e base aéreo di Negatim.
E mishon iraní na ONU a splika ku “e akshon militar di Iran tabata un kontesta na e agreshon dje régimen sionista gista kontra di nos sede diplomátiko na Damasko” i a keda realisá a base di “artíkulo 51 di Karta di Nashonnan Uní” i relashon´ku defensa legítimo”.