TEHRAN, IRAN, AFP.- Iran a reportá 91 morto pa e coronavirus nobo, segun gobièrnu ta permití mas aktividat ekonómiko despues di habri gradualmente durante e último 10 dianan.
Despues di kasi un siman di disminushon den e kantidat di morto, tabatin un oumento leve den e último dianan, den un di e paisnan mas afektá na mundu.
Iran, kual ya a wòrdu afektá pa sanshonnan ekonómiko di Merka, a para tur aktividat ekonómiko no esensial meimei di mart, algun siman despues ku e kaso di coronavirus a kuminsá propagá den e pais. pero ofisialnan ta bisa ku e ekonomia di e pais no por keda sera, i presidente Hassan Rouhani a permití pa negoshinan di riesgo abou pa habri desde 11 di aprel.
Algun tienda i merkado ta un di e último negoshinan ku ta haña pèrmit pa habri bek komo parti di e fleksibilisashon di medidanan di karentena.
Pero e bosero di e ministerio di salú, Kianoush Jahanpour a pidi e pueblo pa keda alerta miéntras el a anunsiá e último sifranan di morto pa e dia. el agregá ku e mortonan resien di COVID-19 oumentá e sifra total na 5.209 víktima. Un kantidat di 1.294 kaso di infekshon adishonal a oumentá e kantidat di infekshon total na 83.505 persona.
