FLORIDA, AP.- Kultivadónan i agrikultornan na Florida apénas a kuminsá evakuá e dañonan ku orkan Irma a kousa. Pero ya kaba tin un indikashon ku e dañonan lo ta signifikativo.
Sin elektrisidat ni komunikashon den gran parti di e península, outoridat a señalá djamars ku un panorama kompleto di e situashon lo tuma vários siman.
Loke no ta evidente ainda ta: pa sa eksaktamente kuantu daño kosechanan a sufri, i kuantu produktornan por rekuperá di seguronan di kultivo, i kuantu plaka adishonal tur hende mester bai kuminsá paga pa por bebe djus di apelsina mainta.
Normalmente, kosechá di apelsina na Florida ta kuminsá serka Dia di Thanksgiving i alrededor di 90% ta kombertí den djus. E kálkulonan pa temporada di 2016-2017 a mustra ku tabatin 68,5 mion kaha di apelsina i 7,8 mion grapefruit.
E kosecha di apelsina a superá 886 mion dòler, segun sifranan di departamento federal di Agrikultura, miéntras ku grapefruit a laga un balor di 110 mion dòler.
Florida ta un fuente vital di fruta i vegetal pa sobra parti di e pais durante wenter.
