PALESTINA (AFP).- Ehérsito israelí ayera a retirá su tropanan for di zùit di Gaza, despues di a kumpli seis luna di un guera devastador entre Israel i e movementu islamita palestino Hamas.
E kuerpo armá a indiká ku un “forsa fuerte” lo sigui operá den e teritorio, kaminda Israel ta “na un paso di viktoria”, segun e promé minister israelí, Benjamin Netanyahu.
E mandatario tambe a pone bon kla ku e guera lo no stòp sino te ora ku Hamas liberá tur e rehennan, na un momento ku na El Cairo mester reanudá e negosiashonnan ku bista pa temporalmente stòp ku e violensia. Tin indikashon ku un grupo fuerte lo sigui operá den
E teritorio, kaminda Israel ta “na un paso dje viktoria”, segun e promé minister israelí Benjamin Netanyahu.
“Israel ta kla pa un akuerdo, Israel no ta kla pa entregá”, segun e gabinete durante un diskurso pa referí na e seis lunanan dje guera, ku a laga e teritorio di Gaza den ruina i ku mayoria di su 2.4 habitantenan den situashon di hamber masivo.
Awe, djadumingu 7 di aprel, 3 di e 98 divishonnan di komando di IDF (defensa israelí) a konkluí su mishon den Jan Yunis”, segun ehérsito israelí, despues di lunanan di pelea fuerte ku a destruí entre otro Jan Yunis, e siudat natal dje lider di Hamas, Yahta Sinwar. E movementu islamita ta katalogá komo e organisashon terorista di parti di Israel, Merka, i Union Europeo.
E bosero di Konseho di Seguridat Norteamerikano, John Kirby, a deklará na e kadena ABC ku mas ku un movementu pa un operashon nobo, e desishon israelí ta buska manera pa su tropanan por “sosegá i re-akondishoná”
Di otro un banda, ehérsito israelí ayera a duna di konosé di a kompletá “un fase nobo” di preparashon pa den kaso ku tin un guera na frontera ku Libano, kaminda e enfrentamentu ku Hezbolá ta intensifiká.
