WASHINGTON, AP.- mas di 40% di e personal di Kas Blanku ta gana mas di 100 mil dòler pa aña. I algun di e asistentenan mas yegá di presidente Donald Trump no ta risibí niun pago, segun detayenan salarial publiká ayera pa e residensia presidensial.
Entre esnan ku no ta risibí un salario ta su yu muhé Ivanka i su kasá Jared Kushner.
Reed Cordish asistente presidensial pa inisiativanan intergubentamenl i di teknologia, tampoko ta risibí pago. E tambe ta bin di un famia dediká na real estate. Otro asistentenan manera Gary Cohn eks ehekutivo haltu di Goldman Sachs ta trahando pa un salario abou di 30 mil dòler.
22 di e asistentenan di Trump, inkluyendo algun di e nòmbernan di mas importante den Kas Blanku ta gana 179.700 dòler anual. Entre nan tin Steve Bannon e hefe di gabinete Reince Priebus sekretario di prensa Sean Spicer i e asesor Kellyanne Conway.
