WASHINGTON, AP.- Kámara di Representante, kontrolá pa demókratanan, a aprobá un pakete di yudansa di 20.000 mion dòler pa Puerto Rico, kaminda un serie di temblor a afektá rekuperashon di e isla despues di e orkannan na aña 2017.
E proyekto a wòrdu aprobá ku 237 voto kontra 161 i lo proveé e isla ku 5.000 mion dòler pa bibienda, infrastruktura, rutanan i brùgnan. E suma total ta inkluí 16.000 mion dòler na krédito di impuesto pa famianan ku entrada abou.
Sinembargo, Kas Blanku a atvertí ku lo ehersé su derechi di veto kontra e lei, akusando e gobièrnu di e isla ku mal atministrashon i mal kontrol finansiero.
E gobièrnu di Donald Trump ta tardando pa entrega 44.000 mion dòler na fondo aprobá pa Puerto Rico, provokando furia entre e demókratanan ku a start ku un kampaña di gran reperkushon pa purba obligá e gobièrnu pa hasi e entreganan.
