WASHINGTON, AP. – E kampañanan di Mitt Romneyiepresidenteta ganando un aksènt spañó i esei no ta sorprendé ningun hende.
Ta proyektá ku e latinonan lo bai representá kasi un terser parti di e poblashon merikano pa 2050 i ya ta konformá un bloke elektoral krusial den Merka, kuminsando na Florida for di Nevada.
E yu hòmber di Romney, Craig a bira e intérprete personal di su tata. Den un anunsio di
televishon, Craig ta splika na bon spañó ku su tata ta un hòmber “ku konvikshonnan grandi” i kende lo lucha pa drecha e pais i krea trabou.
E kampaña di Obama entretantu a resiklá su lema di kampaña di 2008 “Si se puede”, den un intento pa retené e respaldo hispániko ku el a haña na 2008.
Despues di ingles, spañó ta e di dos lenga mas usa na Merka. Kasi 37 mion residente ta papia spañó den nan kas, 12% di pueblo, segun ofisina di Senso. E promé i di dos generashon hispániko sigur lo tin ménos posibilidat di papia spañó tur dia, ounke e situashon ei ta keda kompensá pa e yegada di inmigrantenan nobo ku ta papia spañó.
Un funshonario di e grupo Aktivista Konseho nashonal di rasa, Clarissa Martines de Castro a bisa ku e idioma lo no ta sufisiente pa gana e apoyo di e votadónan hispániko. El a agregá ku ámbos kampaña tin ku alenta mas hispániko pa inskribí den e patron elektoral i atraé nan polítikamente ku asuntunan manera kreashon di trabou i ekonomia.
