ROMA, ITALIA, AFP.- Italia a registrá 1.210 kaso di Corona vírus den 24 ora relashoná ku e reanudashon di biahe i fakansinan segun un informe ofisial publiká djadumingu.
Funshonarionan a reportá 1.071 kaso nobo djasabra, 947 djabièrnè, 845 djaweps i 642 kaso djárason. e Ministerio di Salú a reportá shete morto, poniendo e sifra na 35.437 persona ku a muri desde komienso di e pandemia.
E minister Roberto Speranza a deskartá un lockdown general nashonal i a indiká ku e situashon ta bou di kontrol. Djadumingu Italia a hasi un total di 8 mion tèst di COVID-19 desde komienso di e epidemia.
Un terser parti di e kasonan nobo identifiká djadumingu den region di Roma ta relashoná ku fakansi òf estadia na Sardinia.
