HOUSTON, AP.- Un persona mas a muri despues ku Harvey a pasa. Esaki ta segun konfirmashon di kondado Harris.
E kadaver di e hòmber a wòrdu haña flotando den awa, kual ta elevá e sifra di víktimanan konfirmá debí na e tormenta aki na 44. Ocho dia pasa e orkan a yega Texas komo orkan.
Loke a sobra di Harvey no ta un menasa di inundashon ni di áwaseru fuerte, segun señalashon di meteorologonan.
E sistema di tormenta ainda tin posibilidat di generá áwaseru, pero moderá. Asina David Roth a bisa, kende ta eksperto di Servisio Meteorológiko Nashonal.