OUSTRALIA.- Outoridatnan na Oustralia a bin ta atvertí e poblashon riba e riesgonan ku tin den kaso ku nan mishi ku un kápsula chikí ku ta kontené un supstansia radioaktivo ku a pèrdè durante transporte na wèst di e pais aki.
Ta trata aki un kápsula koló di plata i ku ta kontené un kantidat chikí di e supstansia radioaktivo Caesium-137, ku ta un material ku ta ser usá den operashonnan di eksploshon di mina. E departamento di salú na Oustralia a atvertí pa e konsekuensianan serio ku e supstansia aki tin.
E kápsula aki mester a ser mandá pa reparashon na Perth, ku ta un suburbio na nort ost. E pakete ku tabata kontené e kápsula a yega Perth dia 16 di yanüari, el a ser konservá na un sitio sigur. Sinembargo na momentu ku a habri e pakete bèk pa inspekshon djárason, nan a deskubrí ku e kònteiner a ser kibrá i ku e kápsula a disparsé.
