MOSCOW, AP.- Kasi 1.400 persona a keda detené den un operashon polisial kontra un manifestashon opositor na Moscow, segun un grupo ruso ku a monitòr e desishonnan polisial o kual e grupo a deskribí komo a sifra mas haltu di personanan detené den un protesta den e kapital ruso durante e último dies añanan.
E kantidat di personanan detené a yega 1.373 djadumingu mainta, segun registro di OVD-info. E grupo ta monitòr e detenshonnan aki for di aña 2011. Gran mayoria a keda liberá djis despues, ounke ainda tin 150 persona detené, segun OVD-Info i un asosiashon di abogado ku kier a duna asistensia legal na e personanan detené.
E represhon kontra manifestantenan antigubernamental a kuminsá algun dia promé ku e manifestashon. E lider di oposishon, Alexei Navalny, a keda arestá i sentensia na 30 dia di prizòn pa organisá un protesta kontra outoridat elektoral djasabra, kual a prohibí algun kandidato di oposishon pa postulá den e votamentu di 7 di sèptèmber pa Konseho munisipal di Moscow. Navalny a keda interná den hospital ku un reakshon alérgiko fuerte, segun su bosero, Kira Yarmysh.
Yarmysh a bisa ku Navalny a keda transportá di prizòn pa un hospital den oranan di mainta, yegando ku un inflamashon severo na su kara.
