YAKARTA, INDONESIA, AP.- E kantidat di morto pa e temblor i sunami ku a gòlpia Indonesia algun dia pasá a oumentá na kasi 2.000. Asina outoridat a informá djaluna, atvirtiendo ku ainda tin míles di persona pèrdí.
E sifra ofisial ta di 1.948 persona pèrdí, den su mayoria den siudat di Palu, riba isla Sulawesi, segun Jamaluddin, un funshonario di e agensia di maneho di desaster, kende ta usa solamente un nòmber.
Un dia promé, e bosero di e agensia, Sutopo Purwo Nugroho a atvertí ku mayoria víktima ainda por ta derá bou di ruinanan, kual a wòrdu kousa pa un temblor fuerte riba 28 di sèptèmber.
