WASHINGTON, AP.- Kate del Castilloa akudí na e komishon interamerikano di derechinan humano pa denunsiá ku gobièrnu mèksikano a violá su derechinan humano ora nan a drenta manda medionan di komunikashon informashonnan ku e ta konsiderá falsu riba su persona.
“A manda informashonnan robes di gobièrnu pa televishon i medionan di komunikashon. Awor ta na mi parti pa restablesé mi nòmber un biaha mas”, asina e aktris mèksikano a bisa na su yegada na sede di e organisashon di estadonan amerikano na Washington. “Nos a bin akinan pa presentá nos keho dilanti di OEA pasobra a violá mi derechinan humano i na México no a hasi nada”.
Ora el a Sali di e edifisio, e aktris a mustra kopia di su denunsia ku un stèmpel di ku el a keda risibí pa CIDH durante un reunion ku porta sera ku a dura kasi un ora.
Del Castillo ta argumentá ku e gobièrnu mèksikano a violá su derechinan debí na e proseso ora nan a manda prensa informashonnan relashoná ku un reunion klandestino ku e tabatin na 2015 na México ku Joaquin El Chapo Guzman miéntras e eks lider di e kartel di Sinaloa tabata profugo.
Del castillo a kordiná un entrevista ku e aktor Sean Penn ku Guzman miéntras e tabata presente. Medionan di komunikashon na México a publiká aña pasa un seri di mensahe di teksto aparentemente ku “Flirt” entre e aktris i Guzmen i ku nan a filtra pa prensa.
Outoridatnan mèksikano a bisa di ta investigando un posibel labamentu di plaka ku ta involukrá Guzman i un negoshi di tekila di del Castillo pero un bosero di fiskal di e pais a bisa AP na yanüari ku no tin niun òrdu hudisial kontra e aktris i ku e ta solamente menshoná den investigashonnan kriminal.
