NEW YORK, AP.- Miembronan di Komishon Presidensial di Arte i Humanidat, ku ta inkluí e aktor Kal Penn i artista Chuck Close, anunsiá su renunsia komo protesta di deklarashon di Donald Trump riba Charlottesville.
Un karta fechá djabièrnè i forma pa 16 di 17 miembro ta sita e motibu komo deklarashonnan falsu di presidente Donald Trump pa loke ta e manifestashon di siman pasa na Charlottesville, Virginia. Trump a atribuí na gran parti di e violensia ku a tuma lugá den e siudat i kual a kousa morto di un aktivista kontra rasismo.
“Si nos ignorá un deklarashon di odio, no lo ta kómplise di su palabranan i akto”, asina e karta a indiká. “Supremasia, deskriminashon i hostilidat no ta balornan merikano. E balornan ku bo tin no ta balornan merikano. Nos mester sa pa hasi mihó ku esaki. Nos ta superior na esaki. Si e deklarashon aki no ta evidente, no ta pidi bo pa renunsiá bo puesto”.
E siman aki dos komishon di asesor riba asuntunan empresarial a wòrdu disolvé pues mayoria di su miembronan a renunsiá komo protesta.
E komishon di arte i humanidat a wòrdu krea na 1982 pa presidente Ronald Reagan i tin e promé dama komo presidente honorario. E komishon ta traha ku organisashonnan públiko i priva pa promové arte. Su miembronan aktual a wòrdu nombrá pa presidente Barack Obama.
Kas Blanku no a rospondé na pedidanan di deklarashon.
