WASHINGTON, AP.- Un delegashon di e komishon interamerikano di derechinan humano CIDH lo bishitá México na novèmber pa duna kontinuidat na e medidanan ku el a emití pa e desaparishon di 43 studiante na 2014 asina a keda informá ayera.
CIDH a bisa ku e delegashon lo ta enkabesá pa e kolombiano Enrique Gil Botrero, su presidente ta e merikano James Cavallero i su sekretario ehekutivo e brasilero Paulo Abrao, nan lo biaha di 9 pa 12 di novèmber pa México.
E delegashon lo presentá públikamente su plan di trabou durante e siguiente 12 lunanan i lo splika den Ayotzinapa na e famianan di e víktimanan e metodologia ku e búskeda lo verifiká e kumplimentu di e rekomendashonnan emití pa un grupo interdisiplinario di ekspertonan designá pa CIDH.
E organismo ku base na Washington, ta spera ku e rekomendashonnan lo keda debidamente kumpli i e mekanismo lo sirbi pa duna kontinuidat na e progreso den implementashon di esakinan, asina Cavallero a bisa.
E komishon a tuma na yüli un resolushon den kual el a establesé e siguimentu akordá anteriormente entre esnan ku a hasi e petishon pa e medida i e estado mèksikano.
A keda establesé ku e komishon lo hasi tres bishita pa México i na final di kada un lo informá riba e avansenan registrá den e investigashon di e kaso.
E studiantenan tabata pertenesé na e skol Normal Rural di e pueblo di Ayotzinapa i nan a keda ataká dia 26 di sèptèmber 2014 den e siudat di Iguala pa polis munisipal v i nkulá ku krímen organisá i supuestamente a entrega e studiantenan na e kartel lokal Guerreros Unidos kual a pone nan disparsé aparentemente ku komplisidat òf akshon di otro funshonarionan.
