YEREVAN, ARMENIA, AFP.- Por lo ménos shen militar di Azerbeidjan i Armenia a muri den e kombate di mas violento registrá desde e guera entre ámbos pais for di 2020.
“Sinkuenta militar di Azerbeidjan a muri despues di un provokashon di Armenia” na frontera entre ámbos pais, segun indikashon di ministerio di Defensa di Azerbeidjan den un komunikado djamars anochi.
E promé minister di Armenia, Nikol Pashinyan, a anunsiá na Parlamento ku, te ainda nos tin 49 militar morto i lamentablemente esaki no ta e sifra definitivo”. E paisnan ta akusá otro mutuamente di a kuminsá ku e guera.
Armenia i Azerbeidjan, dos èks repúblika soviétiko rival a bringa den dos guera den e último tres dékadanan ku a pasa, pa haña kontròl di e region Nagorno-Karabakh. Un di e gueranan a tuma lugá den dékada di 1990 i e otro na 2020.
E seis simannan di guera na 2020 a laga 6.500 morto i a kulminá ku un tregua ku mediashon di Rusia.
E kombatenan ta konsekuensia di e stankamentu den e diálogo di pas entre e paisnan, ku mediashon di Europa.
Segun Kremlin, Putin ta “personalmente impliká” i ta hasiendo “tur esfuerso posibel pa yuda redusí tenshon den e region”.
