BRUSELAS, AP.- Polis i manifestantenan ku tabata protestá pa impuesto haltu i kosto di bida a konfrontá otro djabièrnè na Bruselas. Vários mas a wòrdu arestá, despues di mobilisashonnan ku a kuminsá dos siman pasá na Fransia.
Polis mester a usa awa i gas lakrimógeno kontra e manifestantenan, kende a purba aserká edifisio i ofisinanan di gobièrnu den sentro di Bruselas. Nan a tira piedra kontra barikadanan di polis.
“Nos ofisialnan mester a usa kañon di awa debí ku nan a kuminsá tira ku ophetivonan. Nan a tira bala di biar”, segun indikashon di e bosero di polis di Bruselas, Ilse Van De Keere.
E bosero a bisa ku 300 persona a partisipá. Alrededor di 60 a wòrdu arestá pa stroba di públiko. Mayoria tabatin ophetonan ku polisnan ta konsiderá komo peligroso. E ophetonan a inkluí blet pa feita i pepper spray entre otro.
E promé minister Charles Michel a bisa ku e ta dispuesto na dialogá ku su lidernan, pero no ta evidente si lo tin un enkuentro mas òf no.
