WASHINGTON, AP.- E eks asesor di seguridat nashonal Michael Flynn probablemente a violá lei dor di aseptá míles di dòkter di organisashonnan Ruso sin outorisashon. Asina miembronan di un komishon ku ta investigá e kaso a indiká.
E legisladornan a trese un kuestionamentu nobo dilanti tambe kual ta 530.000 dòler ku e kompania konsultor di Flynn a aseptá di un kompania vinkulá ku gobièrnu di Turkia.
E representantenan Jason Chaffetz, republikano di Utah, Elijah Cummins, demókrata di Maryland, a bisa ku Flynn por wòrdu persiguí penalmente paso komo eks ofisial di Ehérsito e ta prohibí pa aseptá pagonan di estranhero.
Flynn, kende a enkabesá e agensia prinsipal di inteligensia di forsa armá merikano, ta un teniente general retirá i tabata asesor di siguridat nashonal, skohé pa presidente Donald Trump.
Aparentemente el a violá lei dor di aseptá míles di dòler di organisashonnan di Rusia despues di un bishita den e pais na 2015 sin a hasi un outorisashon ni informá gobièrnu di e situashon.
Esaki ta e konklushonnan di miembronan prinsipal di Kámara di Representante ku ta investigá e posibel vínkulonan Ruso ku e ekipo di kampaña di awor presidente Tump.