QUITO, ECUADOR, AFP.- Kongreso di Ecuador a reglamentá aborto boluntario den kasonan di violashon i permití ku menornan di edat por hasi aborto te ku e di 18 siman di embaraso.
Ku un mayoria apsoluto di 18 voto, Asamblea Nashonal a duna lus bèrdè na e proyekto di lei ku ta legalisá aborto ku un òrdu di Korte Konstitushonal.
Bou di e normanan nobo, den kasonan di violashon, tur menor di edat i muhé ku ta biba den pueblonan di kampo òf komunidatnan indígena por hasi aborto te ku e di 18 siman di embaraso, i sobra por hasi esaki te ku e di 12 siman.
Esaki lo pasa pa presidente konservador Guillermo Lasso, kende ta kontra aborto i ku por prohibí kontenidonan di e proyekto kompletamente òf parsialmente.
