NASHONNAN UNI, MERKA, AFP.- China a akusá Merka, ounke sin nombra e pais, di alimentá e tenshon rondó di Ukrania, kousá pa e ampliashon di NATO “ku ta bai kontra nos époka”, durante un reunion di Konseho di Seguridat di Nashonnan Uní di New York.
Beijing a hasi un apelashon na tur pais “afektá” pa “yega na un solushon polítiko i apstené di tur akto ku por empeorá e tenshon òf alimentá e krísis”, segun e embahador chines, Zhang Jun, den Nashonnan Uní.
Zhang Jun a bisa ku no por garantisá seguridat nashonal mediante un ampliashon di NATO.
E diplomátiko a referí implísitamente na Merka, indikando ku “e pais ta ninga di bandoná su mentalidat di Guera Friu, i ta bisa un kos i hasi otro pa logra superioridat militar”.
