CARACAS, AP.- Tribunal Supremo di Hustisia Venezolano a rechasá e pedido di fiskal general pa para e proseso di reforma di Konstitushon ku ta impulsá Presidente Nicolas Maduro meimei di protesta intenso antigubernamental di último lunanan.
Sala elektoral di tribunal a deklará e rekurso presentá pa fiskal Luisa Ortega Diaz komo ‘inatmisibel”, kende a introdusí un rekurso mas pa impulsá designashon di 13 hues prinsipal i 21 suplente di tribunal maksimá kual su nombramentu a wòrdu aprobá pe e kongreso anterior dominá pa ofisialismo.
Despues di a hasi un petishon pa kopia di e sentensia di sala elektoral kontra su amparo riba e proseso konstituyente, e fiskal a indiká ku el a formulá un rekurso nobo komo su esfuerso pa “purba restourá stabilidat di e pais”.
