MOSCOW, RUSIA, AFP.- Kremlin a bisa djabièrnè ku e desishon di Korte Penal Internashonal (ICC) pa emití un òrdu di aresto kontra presidente Vladimir Putin ta legalmente “nulo” mirando ku Moscow no ta rekonosé e hurisdikshon di e korte ku sede na Den Haag. E medida a yena funshonarionan prinsipal i propagandistanan ruso ku rabia, i miembronan di oposishon a aploudí esaki. “Rusia, meskos ku vários pais mas no ta rekonosé hurisdikshon di e korteMOSCOW, RUSIA, AFP.- Kremlin a bisa djabièrnè ku e desishon di Korte Penal Internashonal (ICC) pa emití un òrdu di aresto kontra presidente Vladimir Putin ta legalmente “nulo” mirando ku Moscow no ta rekonosé e hurisdikshon di e korte ku sede na Den Haag. E medida a yena funshonarionan prinsipal i propagandistanan ruso ku rabia, i miembronan di oposishon a aploudí esaki. “Rusia, meskos ku vários pais mas no ta rekonosé hurisdikshon di e korte aki, i p’esei, desde un punto di bista legal, e desishonnan ta nulo”, asina e bosero di Kremlin, Dmitry Peskov a bisa na periodistanan. Rusia no ta miembro di ICC. E bosero di Ministerio di Eksterior di Rusia, Maria Zakharov, a bisa ku e desishonnan di ICC no tin nifikashon pa Rusia. “Rusia no ta parti di e Statüt i Roma di Korte Penal Internashonal i no tin niun obligashon ku esaki”, asina el a...