JIBACOA, CUBA, AP.- Tur zomer, e kubanonan ta hui di siudat rumbo pa kosta i kamponan huntu ku nan famia i maskotanan purbando di aliviá e kalor i bandoná tur tenshon ku ta generá preshon ekonómiko di e gobièrnu di Merka riba e isla.
E famianan ta reuní riba kampamentunan estatal pa kushina, landa i disfrutá di zomer na Jibacoa, 60 kilometer na ost di Havana. E kampamentunan tin kapasidat pa 800 persona disrtibui den kuater sitio na kantu di kosta.
E preisnan abou ta yuda e lokalnan disfrutá di nan fakansi di verano, un tradishon anual ku no ta wòrdu interumpí pa e polítika òf limitashonnan ekonómiko.
E gobièrnu kubano ta proveé transporte i alohamentu supsidiá na trahadónan estatal.
Pa un bungalow ku èrko, e preisnan ta subi entre kuater i 16 dòler pa dia, for di alkanse di mayoria kubano ku ta gana alrededor di 44 dòler pa luna.
E krísis ekonómiko a bira mas palpabel durante e último lunanan dor di e skarsedat di produktonan manera galiña aros, artíkulonan di higiena i zeta. Sin embargo, e reinan pa hasi kompras ta birando ménos largu i outoridat ta spera ku e pais no ta kai den un krísis similar ku esun di aña 90.
