BEIJING, CHINA, AFP.- E laboratorio chines señalá komo posibel fuente di Coronavirus a sigurá ku esaki ta imposibel i a deskartá tur responsabilidat kontra duda di paisnan den Oksidente i atvertensianan nobo d Donald Trump kontra China dor di COVID-19.
E pandemia a kousa mas di 160.000 morto, di kual dos terser ta na Europa, desde ku e vírus a paresé na Wuhan, den sentro di China.
Vários pais ku a registrá un disminushon di e epidemia a kuminsá aliviá e medidanan di karentena, kual a afektá mas di 4.500 mion persona na mundu.
Spaña, e terser pais ku mas morto, a registrá su sifra mas abou di morto diario ku 401, oumentando e total na 21.400 víktima morto.
Merka, kaminda e epidemia a provoká 36.700 morto i 730.000 infekshon, a akusá China di a “disminuí” e kantidat real di víktima i gravedat di e pandemia.
“Ta imposibel ku e vírus aki a bini di nos. Konsiderando ku e akusashonnan aki ta “sin prueba” i pa “engañá hende”. Segun sientífikonan chines, e vírus a pasa di un animal pa e ser humano riba un merkado di benta di animal bibu na Wuhan. Pero e eksistensia di e laboratorio aki, algun kilometer leu di e siudat ta lanta spekulashon ku e vírus a sali for di akinan.
