BEIRUT, AP.- Funshonarionan libanes a insistí ku promé minister Saad Hariri mester regresá di Arabia Saudi i e lider di grupo paramilitar Jezbola a afirmá ku e saudinan a deklará guera na Líbano ora nan a tene Hariri kontra di su boluntat.
Merka a uni su mes na e eksigensia di ku ta permití Hariri bolbe Líbano. E akontesimentunan a sòru pa un krísis polítiko den e pais i a kibra e pas relativo ku e gobièrnu di koalishon a mantené despues ku Hariri a anunsiá di forma sorpresivo su retiro dia 4 di novèmber na e kapital saudi.
E anunsio di Hariri kende ta alinia ku Riad a sakudí Líbano i a sòru pa e rivalidat regional entre Arabia Saudi i Iran. E deklarashonnan fuerte di Arabia Saudi kontra Iran ku a sigui profundisá e ministerio riba e suerte di Hariri i a sòru pa rumornan di ku e ta wanta kontra su boluntat apesar ku el a desmentí esaki.
Aña pasa Hariri a enkabesá un gobièrnu di koalishon ku a inkluí e, miembronan di Jesbola ku tin e sosten di Iran. Hariri a menshoná e intervenshon di Iran i Jezbola den Líbano i otro partinan den e region den su desishon di baha i a agregá ku e brasa di Tehran lo keda mutilá.
Den un mensahe aparentemente dirigí na e saudinan, pero ku fásilmente por inkluí Iran, e sekretario di estado Merikano Rex Tillerson a atvertí ku no pa usa Líbano komo esenario pa lucha di poder.
