WASHINGTON, AP.- E lider norkoreano Kim Jong “a duna su palabra” riba su intenshonnan di bandoná armanan nuklear, segun deklarashon di e kansier surkoreano. Esaki ta un di e kondishonnan pa konkretá un kumbre ku presidente Donald Trump den luna di mei.
Trump a bai di akuerdo pa asistí e kumbre despues ku emisarionan surkoreano a bisa ku Kim ta dispuesto na laga e península koreano sin arma nuklear i ta dispuesto na bandoná su pruebanan nuklear i misilístiko.
Norkorea no a konfirmá públikamente ku tin plannan di un kumbre, i no a informá di e lugá kaminda e enkuentro aki lo tuma lugá.
E minister surkoreano Kang Kyung-wha a bisa ku el a pidi Norkorea “pa indiká su kompromiso pa desnuklearisashon” i a bisa ku Kim “a duna su kompromiso”.
Den deklarashonnan na e programa “Face The Nation” di CBS, el a indiká ku Kim a “duna su palabra” i ta “promé biaha ku nos tin konfirmashon direkto” ku e lider norkoreano.
