BARCELONA, AP.- Gobièrnu regional di Catalonia a deliberá un fecha pa deklará su independensia di Spaña i algun legislador a indiká ku esaki lo pasa djaluna.
E presidente Catalan Carles Puigdemont a pidi gobièrnu pa aseptá e mediashon den e stankamentu polítiko entre outoridat spañó i lidernan di e region nororiental riku di 7,5 mion abitante.
E tenshon a yega na su punto mas haltu na momentu ku polis mester a usa forsa pa dispersá e votadónan den un referèndem ku Tribunal Konstitushonal di Spaña a ordená pa move esaki su fecha miéntras ta balorá su legitimidat.
Polítikonan den otro partinan di e pais i un grupo sivil a ofresé pa purba media den e divishonnan entre ámbos parti, pero presidente Mariano Rajoy a bisa ku no por establesé un diálogo di e márgen di e konstitushon nashonal, ku no ta inkluí klóusulanan pa e divorsio di e region.
Lidernan Europeo a tuma partido pa Spaña, ku temor ku e intento separatista di Catalonia ta wòrdu imitá pa otro partinan di e kontinente.
