PARIS, AP.- Presidente franses Emmanuel Macron a rendi homenahe na e 17 personanan asesiná na momentu ku ekstremistanan islámiko a ataká e revista satíriko Charlie Hebdo i un supermerkado kosher tres aña pasá, den e promé di vários atake na Fransia.
Huntu ku e alkaldesa di Paris, Anne Hidalgo, direktor i dibuhante di Charlie Hebdo, Laurent Sourisseau i otronan, Macron a pone koronanan i mantené momentunan di silensio djadumingu dilanti di instalashonnan antiguo di edishon semanal i supermerkado Hyper Cacher na Paris.
Dia 7 di yanüari 2015, e rumannan Cherif i Said Kouachi a asesiná 11 persona den ofisina di Charlie Hebdo i un polis den un kaya serka. E dianan siguiente, su sosio Amedy Coulibaly a mata un muhé polis den e supermerkado. Polis a tira e atakantenan mata.
