MADRID, AP.- Un trein a laga 109 pasahero bandoná den un pueblo chikitu di Spaña, despues ku e makinista a bisa ku su turno a terminá. El a ninga di kontinuá ku e trayekto.
E kompania di riel estatal Renfe a señalá djárason den un komunikado ku e trayekto di e trein entre Santander i Madrid a para na stashon di Osorno, mitar di e trayekto direkshon di e kapital spañó.
E kompania di riel a organisá bùs i taksi pa hiba e pasaheronan su destino manera ku e trein a para.
Renfe a indiká ku e kantidat di regla di riel ta limitá e kantidat di ora ku makinistanan por traha riba un dia, pa motibu di seguridat.
E kompania a diskulpá ku pasaheronan i a kuminsá un investigashon interno.
Osorno tin un poblashon di algu mas di 1.000 habitante.
