AUSTIN, MERKA, AFP.- Un scan a revelá ku e yu di Samantha Casiano tabatin defektonan serio di salú i lo no a sobreviví for di su matris pa mas ku algun ora.
Pero mirando ku aborto ta prohibí na Texas, Casiano a wòrdu fòrsá pa karga e yu te na su término, i despues mester a mira su yu muhé fayesé den su brasanan.
“E situashon tabata unu horibel pa motibu ku mi tabata ke pa mi yu muhé deskansá na pas, mas pronto posibel, i nos mester a warda te ora ku el a nase”.
Casiano ta entre esnan ku a ta demandá Texas argumentando ku e prohibishon estrikto di aborto ta prevení muhénan di haña e kuido médiko ku nan mester.
E Sentro pa Derechonan Di Reprodukshon, ku a entamá e kaso, a bisa ku e demanda ta e promé na nòmber di muhénan ku a wòrdu ningá pa hasi aborto desde ku Korte Supremo di Merka a anulá e derecho konstitushonal pa e prosedura aña pasá.
