BARCELONA, AP.- Manifestantenan kontra e referèndem independista katalan a eskalá na edifisionan den e siudat.
Funshonarionan separatista katalan kier sigui dilanti ku e votashon, ku gobièrnu sentral ta konsiderá komo ilegal. E manifestantenan na fabor di e unidat spañó a ranka un bòrchi i kima e bandera katalan ku a kombertí den un símbolo pa e independistanan.
Un grupo sivil a pidi mayornan di famianan pa mantené skolnan na Catalonia habri pa asina nan wòrdu usa komo sentronan di votashon den e referèndem di djadumingu. E referèndem ta un manifestashon di independensia di e region di Spaña. E plebisito aki lo a kore rísiko si no tin sufisiente sentro di votashon.
Polis katalan a bisa djasabra ku 163 skol tabata okupá.
Font a bisa na The Associated Press ku e ta spera ku e kantidat ta oumentá na tur 2.315 skol designá komo sentro di votashon, pero a bisa ku esaki tabata dependé si polis ta bai usa forsa pa evakuá esakinan i sera nan pa evitá e votashon.