MANOKWARI, INDONESIA, AP.- Míles den provinsia di Papua Oksidental di Indonesia a sende un edifisio di Parlamento na kandela, durante un protesta organisá dor ku forsanan di seguridat a arestá i insultá studiantenan na Papua, segun informashon di outoridat djaluna.
E multitut a sende e edifisio, outo i tayernan na kandela, den vários kaya ku a wòrdu blòkiá i ku ta yega na e haf marítimo, sentronan komersial i ofisinanan di Manokwari, e kapital di Papua Oksidental segun e vise gobernador Mohammad Lakotani.
“E ekonomia di e siudat a wòrdu paralisá pa e manifestantenan”, segun Lakotani. “Aktualmente tin diferente negosiashon entre e manifestantenan i outoridat pa pone fin na e disturbionan aki”.
Videonan di televishon a mustra kandela i huma saliendo for di e edifisio parlamentario.
Desde komienso di 1960, a surgi un insurgensia na Papua, na momentu ku Indonesia a aneksá na e region ku ántes tabata un kolonia ulandes. Den añanan resien, algun studiante di Papua, entre nan algun ku ta studia den otro provinsianan, a ekspresá e deseo pa mas outodeterminashon den e provinsia.
E residentenan di Papua Oksidental ta téknikamente similar ku esnan di Papua.
E manifestantenan a destruí partinan di un aeropuerto na Sorong, un otro siudat den e provinsia di Papua oksidental, segun informashon di e hefe di polis lokal Mario Christy Siregar. El a agregá ku e manifestantenan a kibra bentana i kima pertinensianan. Aparte di esaki, forsanan di seguridat a logra sigurá e instalashon i e insidente no a interumpí ningun aktividat na e aeropuerto.
