ROMA, AP.- E ONG Open Arms, a sugirí pa transportá 107 migrante na bordo di e boto, ku avion pa Spaña. E boto tin mas di dos siman na kosta di Italia i kier haña un solushon mas lihé posibel pa resolvé un stankamentu ku e minister di interior italiano ku no ta permití pa botonan di reskate privá drenta hafnan di e pais.
E migrantenan, ku a keda reskatá na komienso di ougùstùs ta na bordo di Open Arms ya pa 18 dia kaba i e minister italiano Matteo Salvini ta ninga di laga e boto aki ankra na isla Lampedusa.
“Komo un muestra di dignidat na e migrantenan, nos por transportá nan pa Catania i di einan den un avion pa Madrid”, segun indikashon di Ricardo Gatti desde haf di Lampedusa.
E bosero di Komishon Europeo, Natasha Bertaud a bisa ku ainda e bloke ta dispuesto na “koordiná e proseso pa akohé e migrantenan manera nan baha for di e boto”. Apesar di esaki, e boto spañó no a haña lus bèrdè di Italia pa laga e migrantenan baha.
