MERKA, AP.- Esnan na fabor di kontròl di arma a protestá djasabra den diferente siudat di Merka pa eksihí Kongreso pa reforsá e leinan di arma, despues di e masakrenan resien na El Paso, Texas, Dayton, Ohio i Gilroy, California.
Kongreso ta den reseso aktualmente, pero e lider di mayoria republikano den Senado, Mitch McConnell, a pidi e presidente di komishon pa evaluá e posibel proyektonan di lei relashoná ku arma, pa eksaminá esakinan manera ku labornan legislativo reanudá den sèptèmber.
E demókratanan di Komishon pa Asuntunan Hurídiko di Kámara di Representante a anunsiá ku djabièrnè ku nan lo kuminsá laborá mas pronto posibel pa konsiderá otro normanan relashoná ku violensia usando un arma di kandela. Kámara di Representante a aprobá un proposishon di lei ku ta reforsá e revishon di antesedente pa kumpra e armanan.
E agresornan na El Paso i Dayon a mata 31 persona den masakrenan kometé na komienso di ougùstùs. E atakenan a bolbe start un debate pa mas kontròl di arma. Un otro hòmber armá a tira kontra esnan ku a akudí na un festival na Gilroy, California, lagando 3 persona morto.
