SANTIAGO DE CHILE, AP.- Un dia despues ku e presidente chileno a anunsiá medidanan pa mitigá e krísis sosial mas grave den 30 aña di e pais su demokrasia, e gobièrnu di Sebastian Piñera no a logra kontené e pueblo su disgustu masivo. Manifestantenan a kongregá riba un plasa den sentro despues di konfrontá ku polis.
E krísis sosial a kuminsá ku protestanan kontra oumento den tarifa di metro, pero esaki a ekstendé den otro eksigensianan manera mihó kondishon di bida i kontra desigualdat. E insidentenan a kobra bida di por lo ménos 18 persona, segun e balanse mas resien dibulgá pa gobièrnu.
Piñera a anunsiá un serie di medida, ku oumentonan leve di penshun, den un esfuerso pa para e krísis. Sinembargo, e mobilisashonnan multitudinario a marcha den sentro di e kapital i otro regionnan.
Chile ta wòrdu konsiderá komo un di e paisnan mas riku i ekonómikamente stabil den Latinoamérika. E deklarashon di toke de keda pa e kapital i otro regionnan ainda ta vigente.
